بالفيديو| رمضان عبدالمعز: بعض الناس تتصرف كأنها مندوب العناية الإلهية
10:15 ص الأحد 06 نوفمبر 2022 كتب-محمد قادوس: قال الشيخ رمضان عبد المعز، الداعية الإسلامي، إن المؤمنين الملتزمين بشعب الإيمان الأخلاقية، لهم ما يشاؤون عند ربهم، لافتا إلى أن من صفات المؤمن وشعب الإيمان جبر الخواطر. وتابع عبد المعز، خلال حلقة برنامج "لعلهم يفقهون"، المذاع على فضائية "dmc"، أمس السبت: "المؤمن ميزعلش حد، مفيش حاجة اسمها اشتم الناس واجرحهم، وابقى سليط اللسان واقول أصلى أنا صريح، دى مش صراحة دى وقاحة، مفيش حاجة اسمها تشتم و تجرح وتقول بتنتقد". واستكمل: "الناس جرى لها ايه، تقعد تحاسب وتشتم، بإمارة ايه ده ربنا قال لسيدنا النبي محمد صلى الله عليه وسلم، أنت لست عليهم بمسيطر، مش هتحاسبهم، ربنا بس هو اللي بيحاسب، من الكل لنا مهمة أننا نحاسب الناس، ده في ناس بتتعامل انها مبعوث العناية الإلهية، ده ربنا قال لسيدنا محمد فذكر، فقط، وأن عليك إلا البلاغ، عشان كده سيدنا محمد عاش في الدنيا جابرا للخواطر، يقولوا له ادعوا عليهم، يرد عليهم ويقول له لم أبعث لعانا"، مستشهدا بقول الله تعالى: ( فذكر إنما أنت مذكر ( 21 ) لست عليهم بمسيطر ( 22 ) إلا من تولى وكفر ( 23 ) فيعذبه الله العذاب الأكبر ( 24 ) إن إلينا إيابهم ( 25 ) ثم إن علينا حسابهم ( 26 ).
#بالفيديو #رمضان #عبدالمعز #بعض #الناس #تتصرف #كأنها #مندوب #العناية #الإلهية
